رابية الأحمد
الله كريم
قديش فيكي يادني مساكين
وقديش ناس كتير مظلومة
فيكي الغني وصحاب الملايين
قصور ودهب خزنات مختومة
أموالهم ما بتاكلا نيارين
وكل يوم ع السهرات معزومة
تيابن حرير مطرزة بالصين
مخدة ع ريش نعام بالنومة
أما الفقير معتر ومسكين
تعبان حتى يأمن اللقمة
تيابو عتيقة ودمعتو بالعين
بيدعي لربو دوم بالرحمة
عندو حصير وجوز مدادين
وصرلو عمر مو دايق اللحمة
حلمو الدفا وهالبرد بكوانين
يبس عروقو وضاعت البسمة
هم وشقا وولادعريانين
ا سود القلب صاير متل فحمة
الله كريم يرجعلنا سنين
ويزيح عنا الهم والأزمة
