محمد جمعان الدوسري
ياجمره الصيف شمس الصيف حراقه
خفي علينا ترى ماعاد تنطاقي
فحيحك الشين دلا يفري الطاقه
من وين روحت فيح القيظ سراقي
هضاب فيي(ن) عقيم(ن)تعوي ابواقه
مع لفحة(ن)من نعور اتزيد الارهاق
في البيت في السوق لج القيظ باغراقه
نبي نعدل هواه ولاهبه باقي
نكبأ(ن)تلد الشلي عن مطلب ارزاقه
والقيظ أن لف نكباصارخناقي
حتى البحر من هبوبه تشوي اعماقه
ماعاد يطرب له الولهان لافاقي
والبيت ضولة سموم ومثله أرواقه
لاصار دارك لهيب فكيف الاسواقي
البوم في الصبح لاوي ويزعج أنعاقه
والناي ماعد يطرب وآله راقي
فاللي موله تلاشت نسمة أشواقه
لزه هبوب السموم وزاده اطراقي
معاد تنفع مع انسام الكرى الطاقه
حتى هطيله تجافت فيه الاذواقي
واللي يطالع شرى من شدة اطراقه
تاهت مواري اعلومي والكرى باقي
الله من مزنة في الجو عملاقه
جفيلة(ن)داكنه بالخيربراقه
فيهارفايا مخيل(ن)عذب نشتاقه
تنساب فيه الرقيطا بكل مالاقي
