رابية الاحمد.
بالعامية
حبايب القلب
الناس مواقف
بعضن بيضحي بروحو كرمال
يشوفك مبسوط
والبعض مستنى يشوف دموعك
ليفرح
علمتني الحياة أمشي
بطريقي وما أطلع وراي
وما أغلط
وإذا شفت أخطاء غيري طنش
لان ماحدا بهالدنيا بيستاهل
تضحي كرمالو
بمشي وأنا واثقة بنفسي
قالتلي ماما أمشي وارفعي رأسك
وخليكي قوية وياجبل ما يهزك ريح
صح بابا الله يرحمو
بس عندي سند كتير قوي
وعندي أمل برب العالمين
يحميلي أخواتي التنين
حمدو ومعين
وأمل اللي كانت الأم
والحضن الدافي
اللي رسمت البسمة
ع شفافي بوقت كان
الفرح غافي
والحلوة إتحاد اللي
بتخاف علية
وبتشيل همي بمثابة
أمي وبيي
اللي قلبها مليان حنية
الله يحميا وتضل شمعة
تنور عليي
وضنى قلبي
اللي شافن قلبي قبل عيوني
بحبن كتير لا تلوموني
يكتر خيرك يالله والك كتير ممنونة
اللي بعتن ألي ليغمرو البيت
سعادة وهنا ومين اللي قال في أغلى
من الضنى ربي يسعدن
ويقبرو عضامي أنا
ومسك الختام مع رفيق العمر
اللي عشت معو من الصغر
وبكل دقة قلب بشعر
أنو أغلى من النظر
عشت مدللي ومغنجة
وبعرش قلبو متوجة
وصارت دقات قلبي
ع حبو مبرمجة
الله يحميه ولا يحرمني منو
لانو عمري وحياتي
الماضي والحاضر
والمستقبل اللي بدو يجي
خربشاتي
