المهدي تركي الرياحي جدة . السعودية
من أسباب إختلاف في الروى والعقل والتفكير
هذا ما يجمع الزوجين وإلا يفرق الزوجين
إذا الزوجه لها عقل كبير وتحسن التدبير
بدأت من فكرها وأسلوبها ما يسعد الإثنين
وإذا هي تدعي با أجمل صفات وكلها تقصير
ودايم ما ترى إلا الشين لو الزوج يعمل زين
هذي العلة اللي ما يشوف الزوج منها خير
يطلقها ويبحث لين يلقى ذات عقل و الدين
وإذا الزوجة لقت زوجٍ بخيل وعيشته تقطير
ما تلقى منه غير إهانةٍ منها تشيب العين
أو أنه منحرف عن زوجته وأن اتجاهه غير
من اللي في ملذاته يحط الدين فوق الدين
تحاول فيه لكن هو من اللي يعكسون السير
ولاقدرت تعدل في سلوكه حيث وقح وشين
تروح لبيت أبوها ويش تحرا عند نار الكير
قبل لاتبتلش في طفل منه أو تبلش بطفلين
