الشاعر : محمد عبد العزيز رمضان
أيوه عبرنا بجد قدرنا
نحمي بلادنا بقالنا وجود
واللي يفكر منا يقرب
يلقى طريقه طريق مسدود
احنا أسود وملوك الغابة
بنسيطر على كل حدود
واقفين صاحيين لينا مهابه
وسلاحنا جاهز مشدود
وبنوا جدار ووراه دبابه
بس أهو راح وصبح مهدود
بعزيمة وقوة أتغلّبنا
على خوفنا وكسرنا قيود
أيوة عبرنا يا سينا وقولنا
الله أكبر مش راجعين
قبل ما نرفع علمك نهزم
وندمر كل الملاعين
هنضحي بأرواحنا عشانك
نفدي ترابك بالملايين
احنا ولادك احنا احبابك
عشنا في خيرك ياما سنين
من نيلك يا حبيبتي شربنا
لتاريخك كلنا حافظين
محفوظة والرب حاميكي
يا بلادي يا أغلى الغاليين
أيوه عبرنا ولسه هنعبر
دي حقيقه مش كتر كلام
بإيدينا هنبني ونعمر
ونحقق كل الأحلام
