المهدي تركي الرياحي جدة . السعودية
السيرة اللي تسطرها الفتاة البتول
فصولها بين مسجدها إلى بيتها
تألقت في سماء الأمجاد بنت الأصول
حتى تساوت مع الشمس وظهر صيتها
سحابةٍ غيثها ممطر بكل الفصول
والسحب ما تمطر إلا في مواقيتها
أنظر لها نظرة الإعجاب فيها ذهول
ويملكني الخوف وأنا مابعد جيتها
حبيتها حب ما تدرك بعضه العقول
في عدت أشياء تميزها وحبيتها
فيها جمالً جعلني يوم أشوفه خجول
ياليتها ما سحرتني فيه ياليتها
إن أقبلت عطرها يعبق بكل الحقول
وإن غابت أجمل مشاتلها تلاشيتها
لا قلت أحبك عجزت أكمل اللي باقول
كم مرةٍ جت على لساني ورديتها
وبالحب يتوقع أما رفض وإلا قبول
والنفس مهما تسوي فيه ما ارضيتها
أما أرتفع بالكلام أو طاح تحت الرجول
وأنا بصيرٍ بنفسي يوم حطيتها
متألقه في سماء الأمجاد بنت الأصول
مابين مصحف ومسجدها إلى بيتها
