لا مايموت إلا الذي غاب ذكره

محمد جمعان الدوسري

لا ما يوت إلا الذي غاب ذكره…………..

أما الشلي يبقى كما الرمش للعين

والسالف تحكا عن أمس لبكره……………………

تاريخ ناس لناس من حين لحين

الحر لامن طار يرجع لوكره………………….

ومن غاب عوود لو قعد غايب أسنين

وترى الذواري لو غدة يوم عكره……………….

لابد ماتهدى بعد وقت وتزين

كم(ن)غوي(ن)سامه ألغى مكره………………

إذاصحا يرجع ولا يقرب الشين

لا لا تلوم إللي سرى فغب فكره………………

لكن تروى بنصحه بحلم وبلين

اللوم آفه..وللجهل ألف سكره…………………..

فلا تبرق في بلاوي المقفين

حاجة ومرت في فؤادي وبكره……………………

ما أدري وش اللي ينبلج الله يعين

والحمد لله فاض خيره وشكره………………..

فرض علينافلجةالعسر واللين

واللي شرب كأس الوهن وهو مكره…………….

يستغفرالله قبل ما يدرك البيين