محمد جمعان الدوسري
يارب لا ضاقتك عليي الوسيعه………………….
ولتفت الحيله ولاشفتنا فيي
وأمييت في حزني ونفسي صريعه…………………….
أطوي الأسى والهم لاصال مزري
أزوم ماحولي حلول(ن) سنيعه……………………..
تايه ويكويني الاسى والتعب كيي
ناجيتك بضعفي وما أستطيعه………………….
من الرجا متوسل برحمتك لي
لاجل الدعاء بالصدق يطيب ريعه……………………….
لضاقتت الدنيا ولا حولنا شي
شربت كاس من التعب مع نقيعه…………………….
وهم السنين وحاصلي ماهو شوي
خمسين حول(ن) والذواري فضيعه……………………
مكبلتني والمآسي لها عيي
اصد عنها وتتبعن مستريعه………………….
حتى لوت حالي دواكيكها ليي
يارب عبدك طالبك يا سميعه…………………….
تجبر لي العثره فلا زيي بزي
وفيض الدعاء مع التوسل جميعه…………………
مرفوع لك مع الرجا يسفر الضيي
فاللي تققفته السنين المريعه…………………..
تدور به في مهمه(ن) ساحله سي
فإن كنت أغضبتك فعفوك ربيعه……………
أحتاج من فيضه سنى الخير يجري
عليي يا ربي وأمرك أطيعه……………………..
هذا رجاي ياراحم الميت والحي
