محمد جمعان الدوسري
حديث نفس(ن)زارني آخر الليل………………..
وأرسل علييه من فياضه رساله
خذيت معه أشوي ويزيد وأشيل…………………
وأسرح مع الهاجوس وأشرب حثاله
في فيضة الأحلام والقول والقيل………………….
والبوح ياخذني وأحضر سلاله
والشعر مسراح القلوب المفاليل…………………..
يسري بملتاع(ن)براه إعتلاله
والحلم لامن لج يحتاج تأويل…………………….
وإذا تبين لي خذينا زلاله
وأنا بحبك البوح أجني المحاصيل………………..
ومن طاب له حبكه كتب مابدا له
أحد(ن)يجي شعره سموم وغرابيل………………….
لامن سرى في التيه ماإرتاح باله
واحد(ن)على ما يشتهي شعبه يسيل…………………
ومن كان ولهان
الهوى راس ماله
وأنا أبرق في اعلوم المشاكيل…………………
أهل المواقف والشرف الشكاله
اللي ادفنوا بالفضل حزن المعاليل…………………
لو كان في رجم(ن)بعيد (ن)سعى له
حلال حلحيل الصعب والتهاويل………………..
رايه صواب وكل صعب استطاله
يجبر عنا من لازمته التهاويل……………….
يشرق بفضله قبل تبدا
سؤاله
حديث نفس وما لنا عنه تحويل…………………..
لا طاول الملتاع يوقف قباله
كتبت عن نفسي لنفسي مواويل………………….
بلحن الهزج والبوح زاد إشتعاله
